أضحك مع رئيس جمهورية

شكا الرئيس مبارك انه لا يعيش حياته على حريته.. فلا يستطيع ان يمشى فى الشارع مثل بقية خلق الله.. .. فهو يكاد يكون مقيدا تماما

وبالطبع اخواتنا اصطادوه .. فإذا كان الريس ضاق بمسئولياته فلماذا لا يتركها.. لماذا لا يريح نفسه ويعيش حياته كما يريد.. يريح نفسه ويريحنا .

************
بعد أحداث شرم الشيخ الأخيرة خرج مرشد سياحى مع وفد سياحى لزيارة منطقة الاهرامات.. ووجدها المرشد فرصة للترويج لمصر سياحيا خاصة انه وجد ما يقوله يردده صدى الصوت فقال للسياح: مصر صاحبة اعظم حضارة فى التاريخ - فكرر الصدى ما قاله.

. فقال والحكومة قادرة على القضاء على الارهاب ... فقال له الصدى: اسكت يا حمار

************-

اشتكى أحد المسئولين للرئيس مبارك ان جمال ابنه حجز شقة فى إسكان الشباب فى المقطم ثم حجز شقة فى 6 أكتوبر- ويريد أن يجعل منهما شقة واحدة.

. فنظر اليه الرئيس مبارك باستغراب شديد وقال له ببساطة، وفيها إيه يا أخى إفتح للولد الشقتين على بعض

************

مر مواطن فى أحد شوارع مصر الجديدة فوجد عددا كبيرا جدا من قوات الأمن يقفون امام بلاعة مجارى فتعجب وذهب ليسألهم فلم يرد عليه أحد.

. فحاول فتح البلاعة فنهره أحدهم وقال له ابعد يابنى آدم.. فسأله المواطن: هو فيه إيه.. فقال له: الصرف الصحى بتاع قصر الرئاسة معدى..

************

استدعى الرئيس مبارك شيخ الأزهر طنطاوى وسأله: قل لنا يامولانا هل يجوز ان يصبح جمال ابنى رئيسا من بعدى

قال له لا يا سيادة الرئيس..

تعجب الرئيس مبارك من شيخ الأزهر فهو لم يتعود منه أن يقول له لا.. فاستفسر منه الرئيس عن السبب

.. فقال له شيخ الأزهر، هذه المرة القرآن هو الذى يحسم الموقف يا سيادة الرئيس فقد قال: ولا تنكحوا مانكح آباؤكم

************

قابل الرئيس أحد الشباب فى لقاء بشباب الجامعات وسأله الرئيس تحب تطلع إيه.. فقال له وزير يا أفندم.. فسأله الرئيس: انت عبيط يا ابنى.. فرد عليه الشباب قائلا: هو ده شرط يا أفندم

************

نكتة الرئيس الذى اشترى ابنه سيارة ثمنها يتجاوز المليون جنيه بعشرة جنيهات فقط فأخذه وذهب الى صاحب معرض السيارات ووبخه لان يجامله فى ابنه وباع له السيارة بهذا السعر الزهيد

فأكد صاحب المعرض ان ثمن السيارة عشرة جنيهات.

. فابتسم له الرئيس وقال له: طيب خلاص طالما ده سعرها .. خد العشرين جنيها دول واعطينى سيارتين.


********************************

حسني مبارك بيخطب في الشعب فا كل شويه واحد يقوم ويقول عاش حسني مبارك موحد الاديان ويقعد

يروح حسني مكمل كلامه وشويه ويقوم الراجل ويقول عاش حسني مبارك موحد الاديان فا اتمسك امن دوله وطااااااااخ ويقولوله ايه الي انت بتقوله دا ازاي موحد الاديان دي مصر فيها مسيحين ويهود ومسلمين وطااااااخ

فردعاليهم يا باشا ماهوه الي مكفرنا كلنا


*************************************
من يكون ابن أمك وأبيك وليس بأخيك ؟؟ عندما قابل الرئيس حسني مبارك الملك حسين للآخر مرة انتقده الملك انتقادا شديدا لعدم
اختياره نائبا له طوال هذه
الفترة من مدة حكمه , ودار بينهما ذلك الحديث:
الملك حسين : أعتقد أن موقفك يا فخامة الرئيس قد أصبح دقيقا ,
وعليك أن تبادر باختيار نائبا لك حتى لا يقول الغرب والامريكان انك ديكتاتور آخر مثل الرئيس العراقي.
الرئيس : ولكن يا جلالة الملك المشكلة هي أني لا أعرف حقيقة كيف
أتمكن من اختيار النائب المناسب.
الملك : سأخبرك عن طريقتي السرية التي اتبعتها في اختيار رئيس وزرائي
عبد الكريم الكباريتي.
الرئيس : رائع .. مدهش .. ما هي هذه الطريقة يا جلالة الملك ؟؟
الملك : كل ما فعلته هو أني اتصلت بعبدالكريم وسألته : من يكون ابن أمك
وأبيك وليس بأخيك ؟؟
الرئيس : سؤال صعب جدا !!!!
الملك : ولكن برغم ذلك أجاب الكباريتي على الفور قائلا: هذا الشخص هو عبد الكريم الكباريتي
ذاته يا جلالة الملك.
الرئيس : وهل كانت شخصية (عبد الكريم الكباريتي) هي الإجابة الصحيحة ؟؟
الملك : بالقطع هي الإجابة الصحيحة , ولذلك فأمرت بتعيينه رئيسا
للوزراء.
وعندما عاد الرئيس المصري للقاهرة عزم على إجراء ذلك الاختبار لاختيار
نائبه , فأمر بإحضار رئيس مجلس الشعب ودار الحديث التالي:
الرئيس : أخبرني يا رئيس مجلس الشعب , من هو ابن أمك وأبيك وليس بأخيك
رئيس مجلس الشعب (بدهشة) : أمك إيه وأبوك إيه ياريسنا .. ده انت بابا
وانت ماما وانت كل حاجة في حياتي وحياة اللي خلفوني.
الرئيس : عفارم .. عفارم .. بالرغم من إنها إجابة جميلة .. ولكنها
للأسف إجابة خاطئة .. أحضروا شيخ الأزهر.
شيخ الأزهر : أوامرك يا ريسنا
الرئيس : أخبرني يا شيخ الزهر , من هو ابن أمك وأبيك وليس بأخيك ؟؟
شيخ الأزهر (بدهشة) : بالرغم من أني مش فاهم سؤالك يا ريسنا , ولكني
أؤكد لك أنه حلال ويجوز ولا يوجد أي حرج شرعي في ذلك , وتوكل على الله.
الرئيس : عفارم .. عفارم .. بالرغم من إنها أجابة جميلة ولكنها للأسف
إجابة خاطئة .. أحضروا البابا شنودة.
البابا شنودة : أوامرك يا ريسنا.
الرئيس : أخبرني يا أبونا .. من هو ابن أمك وأبيك وليس بأخيك ؟؟
البابا شنودة (بدهشة) : الأب والأم والأخ .. ثلاثة في واحد وواحد في
ثلاثة .. كله حاجة واحدة.
الرئيس : جرى إيه يابني ؟؟ .. هو أنا أسألك فزورة تجاوبني بفزورة !! ..
أحضروا لي رئيس الوزراء.
رئيس الوزراء : أوامرك يا ريسنا.
الرئيس : قوللي يا نظفظف .. من هو ابن أمك وأبيك وليس بأخيك ؟؟
وكان رئيس الوزراء أكثر حذرا من سابقيه .. فسأل الرئيس:
رئيس الوزراء : ممكن يا ريس أستعين بصديق ؟؟
الرئيس : ممكن .. بس قدامك دقيقتين بس.
فسارع رئيس الوزراء بالاتصال بالدكتور أحمد زويل وسأله:
رئيس الوزراء : إلحقني يا دكتور زويل .. انت راجل عالم وأخذت جايزة
نوبل وأنا محتاجك في سؤال عصيب.
الدكتور زويل : خير يا سيادة رئيس الوزراء !!؟؟
رئيس الوزراء : قوللي وحياتك .. مين هو ابن أمك وأبيك وليس بأخيك ؟؟
الدكتور زويل : ودي حاجة محتاجة سؤال !! .. أنا طبعا يا سيادة رئيس
الوزراء.
فذهب رئيس الوزراء مهرولا للرئيس.
رئيس الوزراء : ياريس .. ياريس .. عرفت الإجابة ياريس
الرئيس : عفارم .. عفارم .. قوللي بقى يا عطفطف .. مين هو ابن أمك
وأبيك وليس بأخيك ؟؟
رئيس الوزراء : الدكتور أحمد زويل يا ريسنا.
الرئيس : أحمد زويل ايه يا حمار .. إجابتك غلط.
رئيس الوزراء : أمال يطلع مين ده بس يا ريسنا ؟؟؟؟!!!!!
الرئيس : الشخص ده يطلع (عبد الكريم الكباريتي) يا أغبياء .. الحمد لله إني
ماخترتش نائب لي لحد دلوقتي.
وفي النهاية .. تم إغلاق ملف نائب الرئيس نهائيا .. وإصدار أمر باعتقال
الدكتور أحمد زويل !!!!!!!!!!!!!!!!

***********************************
إخبرنى بصراحة يا نظيف (رئيس الوزراء) ولا داعى للمجاملة أو النفاق -
أمرك يا ريس -
نظيف : أنا الأفضل ولا عبد الناصر ؟-
نظيف : انت طبعا يا ريس .. جمال مين اللى كان بيخاف من الروس-
ـ طيب أنا الأفضل ولا السادات ؟
نظيف : سادات مين ياريس اللى كان بيخاف من الأمريكان -
طيب أنا الأفضل ولا عمر بن الخطاب ؟ -
نظيف : انت طبعا يا ريس. عمر بن الخطاب كان بيخاف من ربنا . انت لأ
*****************************************
بيقولك حسني كان عاوز يغيـر دولارات و مش لاقي في السوق , فراح منادي نظيف :
مفيش دولارات في السوق ليه ؟ -
نظيف :الحج و العمرة ياباشا خلصوا على الاحتياطي -
بقولك ايه ..حج ابه وبتاع ايه .. من السنة الجاية الحج يبقى في مصر -
نظيف :يا باشا .. ازاي بس -
اتصرف - بعد يومين رجع نظيف و قاله : كله تمام يا باشا خلاص الحج حيبقى عندنا
الريس: طب و الكعبة حتعمل فيها ايه ؟ -
حنعملها في ميدان الحجاز - مصر الجديدة و يبقوا يلفوا حواليها -
الريس: طب و السعي ؟ -
ياباشا يبقوا يجروا في طريق صلاح سالم لغاية المطار و يرجعوا -
الريس: و عرفه ؟ -
يطلعوا المقطم ياباشا -
الريس: طب و رجم إبليس يا فالح ؟ -
إتعب معانا شوية بقى يا ريس - ****************************************

بيقولك كمال الجنزوري جالو بعد ما شالوا من الوزارة وقالوا عايز أعرف انت
شيلتنى ليه ياريس
قالوا يا كمال يا حبيبي التغيير سُنة الحياه ، قالوا طيب شيلت وزير
المواصلات
> > >ليه
> قالوا يا كمال يا حبيبي التغيير سُنة الحياة ،
> قالوا طيب ممكن أسالك سؤال اومال ليه انت الوحيد اللى مابتتغيرش
> قالوا ياحبيبي تغييركم انتم سُنة لكن أنا وجودي " فرض "
***********************************

مرة سيادة الريس حسني مبارك مد إيده في جيبه لقي 5 مليون جنيه!!
فزعل قوي وخاف وقال إيه الفلوس دي؟ دي الفلوس دي حرام؟
فسأل أحد مساعديه فدله على طريق الشيخ طنطاوي رئيس الأزهر وقال له: اسأل الشيخ وهو يقول لك الحل.
ما كدبش خبر وجري على طنطاوي وحكا له القصة فرد: 5 مليون بس إيه النزاهة دي؟
دي بسيطة خالص يا ريس ما تزعلش نفسك؟ كل اللي هتعمله هتروح وتطوف حول الكعبة 10 مرات.
الريس راح لقي عمنا نظيف فقال له: أنت بتعمل إيه هنا؟ أنت هتلف كام لفة؟
عمنا نظيف :78 لفة.
الريس: يخرب بيتك أنت؟ ده أنت خربت البلد!!
عمنا نظيف : أنت جاي علي انا؟ روح شوف علاء ابنك جايب موتوسيكل وبقاله 3 أيام بيلف ************************************

بعيداً عن الريس اليكم هذه النكتة

قرية اهلها اشتكوا ان الامام يلقي خطب طويلة جدا جدا في الصلاة فاشتكوا الي الاوقاف التي ارسلت لهم اماما جديدا ولكنه كرر نفس المشكلة فاعادوا الشكوى
فارسلت لهم الاوقاف شيخا آخر وحذرته من الاطالة.
وصل الامام الجديد فدخل المسجد وصعد المنبر وحيّا المصلين وسأل:
اتعرفون قصة سيدنا يوسف عليه السلام؟
فرد المصلون كلهم: نعم .
فنظر الامام الى المؤذن وقال: اقم الصلاة.
ولما فرغ من صلاته استوقف الناس وسألهم: اتعرفون قصة سيدنا موسى عليه
السلام؟
فرد المصلون : نعم.
فقال لهم : ماتجوش الجمعة الجايـــة

**********************************

أنا معنديش نكته عن الريس ربنا يخليه وياخدنا جميعا بس عندي النكته ده
اتنين مساطيل اعدين يحششو في المقابر ومرت جنازة فواحد بيقول للتاني هي
جنازة مين دي يا محمد؟ فرد علية دي جنازة الشيخ محروس فقال الاولاني يا حول الله
وتاني يوم وهما اعدين في نفس المكان مرت جنازة فنفس الشخص سال بيقول للتاني
هي جنازة مين دي يا محمد؟
فرد عليه دي جنازة الشيخ محروس
فقال الاولاني يا حول الله
وتالت يوم وهما اعدين في نفس المكان مرت جنازة فنفس الشخص سال بيقول للتاني هي جنازة مين دي يا محمد؟ فرد عليه :دي جنازة الشيخ محروس
فرد عليه: هي الدنيا ملطشة معاه كدة ليه

********************************
بينما كان حسني مبارك في زياره للصين حدث زلزال القاهره المعروف!؟وكانت الناس تبات في الشارع ولاتوجد مساعدات!؟فأتصل وزير الداخليه على سي حصني في الصين يذكره المشاكل الحاصله!؟فأنزعج سي حصني وقال لوزير الداخليه:وأنا حأعمل لكم أيه تصرفوا!؟
وفي اليوم الثاني أتصل وزير الداخليه يقول:ياسيادة الريس الناس بايته في الشارع ومفيش خيم ولاتموين ولاأي حاجه!؟
زعق عليه سي حصني وقال له:إتصرف حأعمل لك أيه ياغبي دبروا لهم أي حاجه ومتبآش تتصل مره تانيه عليه وتنرفزني!؟
ثالث يوم إتصل وزير الداخليه على سي حصني!؟
وقال له فيه أيه يقحش أنا مش أُولتلك ماتتصلش تاني!؟
قال له الوزير إستنه ياسيادة الريس!؟أصل الشيخ زايد تبرع ب 10مليون دولار للزلزال!؟
قال حسني محدش يتصرف أنا جاي حالاً!!!!!!!!!

********************************
في إحدى زيارات الرئيس حافظ الأسد إلى جمهورية مصر كان الرئيس حسني مبارك يلبس حذاء جديدا ويتباهى به أمام حافظ فقال له حافظ: مبارك على الجزمة - غضب حسني مبارك وقرر الانتقام من حافظ الأسد وفي اليوم التالي لبس حسني جلابية صعيدية وجلس على الكرسي وأخذ يكش ويهش بالجلابية بين فخذيه – فسأله حافظ إيه مالك يا حسني أجابه حسني لا مفيش اصلي عيان والدكتور قلي حافظ على زيك